هذي قصة واقعيه ابطالها فئتان من المجتمع مثلوا الحب بحذافيره وارجوا قراتها كامله تدور بالسعوديه بمدينه الدمام :
بندر ولد قبيله من القبايل العريقه بالجزيره (يعني بدوي مكحكح) موظف
تتكون عايلتهم من
أبو بندر اللي هو ابوه
أم بندرا للي هي امه
وضحى والجازي هم خواته الكبار
وهنادي أخته الصغيرونه
وراشد اخوه الوسطي وجراح اللي بعده المهم بندر كان حيل حيل مزيون (يعني جرح زينه مسكت) بس كان ثقيل مايعطي ويه خيرشر كان يحب يلعب مع البنات يوم يومين ويقط الشريحه يصرفهم ماكان يعترف بشي اسمه حب !!
+++++++++
ملاك حضريه فري مره مره طالبه جامعيه قسمها عربي لانها موكانت شاطره حيل أبوها دكتور في الجامعه
وامها دكتورة أسنان
يعني حضاره وثقافه وفلوس ... الخ
كانت دلوعة اهلها مالها الا أخوين محمد وطارق وكلهم بالخارج
ملامحها كان كل احد يسألها يقولها أنت فيك عرق بدوي نجداويه .. كانت تقزز وتقول نونو أنا أستحاله أتخيل حالي من راعين الجمل
كانت سمراء عينها كبيره حيل وناعسه شفايفها بارزه وجنبها شامه حواجبها مرفوعه جسمها نحيف من فوق وديره من تحت
(يعني ملامحها تدل على الغرور)
++++
بندر : هنادي تكفين طلبتك اكوي ثوبي
هنادي : لا مابي بروح أبكش بروح المدرسه قول للجازي
بندر : الجازي فديت عمرك اكويه
ألجازي باقي كحلي اذلف عن وجهي ماخطيته بتاخر على محاضراتي
اقول : أشرهه مو عليكم علي أنا بس هين تجون
طيييب
بندر هات كندر جب شاورما بروح لصديقتي طييب (يمن الاخ)
هنادي : أوف بدت سوالف المنه جب يالله
المهم كوته الله بالخير
بندر : يمه
أم بندر : هلا
بندر: لوماجبتي بنات أسترلك وأوفرلبوي
الام : أفا ليش ياأمك
بندر : الوحده تاكل وتشرب ولاتساعد ولاشي لوأنكم تزوجونهم ابرك مقيوله (أكل ومرعى وقلت صنعه)
ام بندر : يمك توهن صغار لاحقات على الشقا
عقبال مفرح فيك وأشوف بزرانك تارسين البيت
بندر : لاتكفين ألا ذي زواج مابي أتزوج شايلن فكرته عن بالي
أم بندر: أخاف بس تضيعني وأنت حاط عينك على وحده ولاتبي تقول قول والله أنت بس تأشر وحنا حاضرين ..
بندر :لا حاط عيني ولاشي أساسا بهالوقت مافيه لاحب ولاشي فيه تسليه سمعتي فيها يمه
ام بندر : شنو
بندر : لاسلامتك الوكاد أبوي وينه
أم بندر : فالدواوين0رح تقهوى عنده وتريق
بندر : لامستعجل عندي كذا شغله يالله فمان الله
*******
ملاك "
صحت متأخره كالعاده تناظر لنقالها امبيه سبع ونص ولا أحد فكر يصحيني خليني البس يادوب الحق على محاضرتي
فالطريق :
بندر : يسوق بهدوء وروقان ويدندن مع أبونوره :الا يدق نقاله
بندر : يالله أكيد ذا النشبه مشعل يبيله ريوق
بندر : سم
مشعل : هلا يالحبيب اسمع مابي اطول جب ريوق معك الدور عليك وتكفى بلا سوالف ا لشكشوكه والفول وكبده
بندر : نعم اجل شتامر ياحظرة الباشا
مشعل :
ياخوك تفدغت كبدي من ذا الروتين يعني دلعنا مو الراتب نازل امس عاد
أنت وذوقك ياذويق0
بندر : طيب بس بلاتنغيز على بالراتب وسواليف ترفيع الجو
المهم سكر يالزطي بجيب فطور يالله
بندر : أووه على طاري الرأتب خليني اروح أمر الصراف اصرف
****
ملاك : لبست عبايتها ولفت ملفعها وبالطريق حست انها0مصدعه فحبت تاخذلها كوب قهوة يروق مزاجها
جان : نعم
ملاك : روح ستار بكس
جان : انت في تأخر
ملاك : مالك دعوه بعدين محاضره محاضرتين ماتفرق
...
بس مر الصراف
.........
اللقاء
بندر : سفط بسيارته الجيب ويستعلم عن رصيده
وملاك بسيارتها سفطت وراه تنتظره يخلص
بندر : سحب رصيده وأخذ يسدد فاتورته وفاتورت امه يعني تنح الاخ
ملاك : اف شذا القرف ذا متى بيخلص
جان :ماما دق بوري عشان هو يستعجل
ملاك : اي دق خليه يخلصنا على باله الناس فاضيه مثله
جان : شد حيله قعد يزمر بالبوري
بندر : أخذ السالفه وقعد يعاند وراح يسدد فاتورة الجازي (وبينه وبين حاله مع انها ماتستاهل ماكوت ثوبي)
ملاك : خلقه هي نفسيه لاومصدعه وتبي فنجان قهوه يعني ابعدوا عن دربها
ملاك : ذا متنحلي ذا الوجه انا براويه على باله صرافة ابوه
جان : ماما روح صرافه ثاني0
ملاك: لا انا بنزله
وأخذت السالفه اتحدي ونزلت
أنت لوسمحت متى ناوي تخلص
بندر:شده صوت حاد ودرى انه موجه له
فتح الباب ونزل الايشوف ذيك البنت اللي تقول للقمر قم وأجلس مكانك
سمي : تقصديني
ملاك أيه أقصدك انت ( لمن شافته ارتبكت حست انه له هيبه ومشخص بالشماغ غير كذا مزيون )
يالله تجمع أنفاسها على بالك ماورانا مشاغل ولاشي وتشيل نظارتها : تراك بجد عطلتنا
بندر : لمن شاف عيونها
بسم الله ماشاء الله
وسكت سرح فوجها
ملاك : شطالع فيه هي ماترد علي(تسوي حالها قويه)
بندر: يحق لأمي اللي جابتني ماترد من الزين اللي قبالي من عذري ماأرد
ملاك وكانها أنحرجت :صدق فاضي خلصنا
بندر : تامرين امر يازين كله
ملاك صعدت سيارتها وحست قلبها دق وترجف
بندر حرك سيارته ومشى بدربه
ملاك : تدودهت ويالله أسحبت
بندر : حس بشي بداخله جذبه لذا البنت
حس بسحر مو طبيعي
قال بينه وبين حاله انا شلون حركت وتركتها وراي صحيح غبي ورجع لدرب نفسه بيلحق عليها
ملاك أسرحت بعالم ثاني أخذت تلوم حالها أنا شفيني ماعرفت أصف كلمتين على بعض يوم شفته هل لانه حلو بس مو ذا السبب أنا حسيت بشي ثاني حياتي ماحسيته
جان : ماما ماما
ملاك : نعم
جان : مدام ستار بكس كوفي
ملاك : اوه طيب بينها وبين حالها شفيني أنا
نزلت أخذتله كوفي وسارت للجامعه
......
بندر رجع ثاني مره ولف يدورها ومالقها
أخذ يندب حظه انا شلون تركتها وراي ورحت هذي غير أحس قلبي نبض لمن شافها ...
الا يسمع
أبونوره يقول ،،
أنالك يابريق الماس انا الألماس وأنت لمعه الماسه وحساسه
حس بشي قوي يدفعه لذا البنت اللي من أول ماشافها حس بأرتباك
قعد يدور بالشوارع القريبه من الصراف على أمل انه يلقاها
وفجأه قطع افكاره الأخ مشعل بأتصاله
بندر : الله على النسيه ورد :الو
مشعل : ياخوك وينك تراك طولت علينا
قلنا جب فطور مو ذبيحه
بندر : خير خير ان شاء جايكم
ومر فوال وخذلهم فطور كالعاده فول عدس وكبد الخ
مشعل : هلا هلا جاجا الفطور
بندر اجل ماقلتلك كشخ فطورنا وجب حركات بس ماش ماينفع فيك يالله العوض ولا القطيعه
مشعل : بندر
بندر : لبيه ( كان سرحان)
مشعل : فيك شي
بندر : لاسلامتك
مشعل : بكيفك اجل ترى راح الفطور راح راح الحق ياماتلحق
بندر : بالعافيه ورد بأفكاره
******
ملاك : اوصلت الجامعه وراحت عند صديقاتها
صباح الخير
منى وساره : صباحك عسل يامربى
ملاك : ساكته وتلعب بالقلم
بشعرها وتفكر
منى : ملوك قليبي شفيك
ملاك : هاه لا لا مافي شي
وأخذت تقول بينها وبين حاله انا ليش أفكر فيه مادرى عني
ورجعت ملاك لطبيعتها
*********
رجع بندر للبيت راشد: شخبارك يابندر
بندر : هلا الحمد الله
راشد : تكفى يابندر أبيك تقنع ابوي بسافر مع الشباب للرياض اسبوعين وراد
بندر : طيب يالحبيب جاك( وكأنه نسى موضوع ملاك)
الا على دخلت الجازي عساك ذخر يانور عيني انا فداك اي هذا الاخ ولابلاش
راشد : شطاري
الجازي : بندورتي سدد جوالي صارلي شهر أشحذكم محد سدده مو مثلك يالبخيل وبدا نقاش المعتاد بين الجازي وراشد(مونقاش هواش بس لزوم الذرابه)
اما بندر
كأن خيوط الأفكار بدت ترجعله وذكر الصرافه
وملاك وعيونها وحدت صوتها المهم قام عنهم وراح بداره يفكر بعمق
*********
ملاك وساره بالطريق للبيت ملاك : ساره بخاطري شغله بقولهالك
ساره : قولي ياقلبي فيك شي
ملاك : ساره انت قد حبيت ولد خالتك كيف حبيتيه
ساره : ماادري بالبدايه كنت أرتاحله وكنت لمن أشوفه يدق قلبي وكنت ارجف ماكنت اعرف أتكلم وكنت أذا شفته مانزل عيني منه
ملاك .. هنا سرحت وقالت فباله نفس اللي حسيت فيه يعني معقوله حبيت
ساره : ملاك .. ملاك
ملاك : هلا
ساره : شفيك وبعدين ليش تسألين : أقول لاتكونين طحتي بالحب
ملاك : هاه وكن ريقها نشف الظاهر كذا 0
ساره : أنت تحبين لاماصدق يادبه ورى ماقلتيلنا ومتى وكيف صار ومنو
ملاك : شوي شوي علي بقولك السالفه كلها
وحكتلها كل الموضوع
ساره : طيب
ملاك : أيه ذا الموضوع أيش اللي طيب
ساره : يعني ماشوف فالموضوع شي أنت ارتبكتي يمكن لانك شفتي انه حلو وهو أرتبك لانك حلوه بس هذي المسأله
يعني ماشوف فيه ذاك الشي اللي يشد ويوصل لدرجة الحب
ملاك وصابها الأحباط وتنهدت قالت: يمكن الموضوع كذا
نزلت ساره لبيتها
ولمى وصلت لبيتهم
هااااي ماما
ام ملاك : أهلين حبيتي
تعالي تغدي معي
ملاك : لاماما تغديت بس بروح ارتاح شوي
أم ملاك : ملوك شقصة الهوشه اللي سويتيها اليوم
ملاك : هاه مام مين حكالك اكيد جان
أم ملاك : أيوه جان
ملاك : والله ماخليه بس ياماما الشاب راح بدربه ماقال شي
أم ملاك : بس ياماما الشباب مو كلهم واحد أحرصي على حالك
أوكي مام وراحت لغرفتها وقطت حالها على سريرها الفوشي
ولا جاها النوم حست بشي ثقيل حست أنها بالموت تاخذ انفاسها أخذت تذكر
بندر ذاك الشاب الوسيم بثوبه وشماغه وتنسيفته اللي زايدته حلا تذكرت كيف كانت نظرته لها نظرة شدة اقصى خفوقها
بعيونه السود الواسعه اللي كنها مكحله
تذكرة ملامح وجه اللي شدها بين المخاليق
بلونه الاسمراني
وخشمه المسلول
وسكسوكته
وطوله الفارع
ونبرة صوته الثقيل
فكرت فيه لمن نامت
أما بندر : حالته حاله أخذ مفتاح سيارته وطلع لشارع نفسه على أمل انه يلقاها لف ولف دق على مشعل
بندر : مشعل اطلع بمرك
مشعل : وين على الله وبهالقايله (يعني بين الظهر والعصر)
بندر : ماأدري بس أبيك بموضوع
مشعل : يالله على بال ماتجي اكون جهزت
ركب مشعل بالخير
علامك ياولد
بندر : أحس أني مشتت أحس اني ضايق ياخوك0
مشعل : أفااا وانا أخو نوره تضيق وانا موجود
أقول سمعت بالي يقول : ياضايق الصدر بالله وسع الخاطر بس ماعرف الباقي يضحك ( وبدء وجهه يقمط لان السالفه مالها داعي وقعد يرقع>>>
يخسى الضيق وش فيك ؟؟
بندر : سفط سيارته بنفس الشارع وأشر على الصرافه
وقال : شفت ذي هنا شفتها وهنا خليتها وراحت وقلبي معاها
مشعل : (طبعا ماأستوعب الفكره )
افا وأنا أخوك لاتستحي مني جاك طلبك
بندر : يادلخ مافهمت قصدي مشعل : اجل ماعايزك فلوس
بندر : لا
مشعل : اجل ليش جايبنا هنا وتأشر على الصرافه
بندر : ياأكبر مفهي على وجه الكون انا أقصد وحده شفتها وحكاله الموضوع ( من البدايه مانذكره أختصار للوقت)
تلت قلبي ياخوك
مشعل : فجأه بخ ضحكه قويه أنت هيه تدري من هي ومن تكون صحيح غبي
أقول : فقع وجهي بملاس جريش أذا كانت تدري عنك
أقول على ماقال المثل :
(( ياذره ماحلمبك ))
بندر : تهقى (( وحس انه تحطم))
بس انا أحس بشي أحس اني أبيها
مشعل : سقها وانسى الوضع بتشوف غيرها أ مش بس ودنا للبحر خلنا نتمشى وناخذ لنا شي ناكله
بندر: وأنت ماهمك الا بطنك
&&&&&&&&&&
وجلس هو وملاك وكل واحد يفكر بثاني
وعلى بالهم ان الطرف الثاني مادرى عن الاول
&&&&&&&&&&&&
بعد مرور أسبوعين بالضبط
صحى بندر الصبح
قوه يبه قوه يمه
ألام والأب : هلا هلا
ابو بندر : بندر ناد أخوانك على الريوق
بندر : ياهنادي ياوضحى يابنات الريوق
ياراشد ياجراح
جراح جاء عند بندر وهمس له بندر أبي فلوس بطلع مع الشباب ومستحي أقول لبوي
راشد : بندر قلت لبوي بروح للرياض ولالا
أبو بندر : علامكم تساسرون فيكم شي
بندر : لا بس راشد يبي يروح مع خوايه للرياض وشرايك يبه تسمحله
وتراه طالبني أقولك وماودي ترده
أبو بندر : عشانك بس ولاهو مو كفو لادراسه ولامستقبل بس بيدشر بذا الديار
بندر : لاعلى ضمانتي يبه ومصروفه علي
وراشد هنا >> كشر بسنونه وقام حب بندر
أبو بندر : يابوك وفر من مصروفك وأدخل الاسهم ولا سو لك مشروع يأمن مستقبلك وراك عرس والتزامات
بندر : توني يبه لاحق على العرس والمشاريع
أم بندر : ودنا نفرح فيك
بندر خير ان شاء الله
الجازي وضحى وهنادي بصوت واحد
بندر تودينا
بندر : وين ؟؟
هنادي : يعني وين شايفني لابسه المريول بروح السوق مثلا
بندر : وين السواق مايوديكم
وضحى : أبوي قبل امس عطاه اجازه شهرين وراح لديرته وراشد راح يودي جراح للمدرسه
وضحى : تكفى أخلص بتاخر وراي حصه
بندر : يالله اجل اركبوا
وركبن الخوات وضحى قدام والجازي وهنادي ورا
بندر : شغل شريطه المعتاد وفنانه المفضل أبونوره
((ليت ربي ماكتب لحظه وداع ولافراق ولادموع ولاضياع وليت كل الناس خل مع خليله
...
وضحى : استغفر الله وسكرت المسجل
بندر : لاحول
الجازي : وضحي وبعدين وياك ماتخلين الواحد يروق
هنادي : اف معقده
وضحى ولاكلمه يالله صباح خير أغاني ودندنه فهجدن الخوات الثنتين
بندر قرر انه ينزل وضحى اول وحده عشان مايدوخ راسه ويفلها
في هالوقت ..
ملاك صحت بدري كشخة حست ان مودها رايق
هاي بابا : كيفك
ابو ملاك : هلا حياتي
شخبار الجامعه
ملاك : تمام
ابو ملاك : تعالي افطري معي
ملاك : سوري راح اتاخر يالله بابي سيوو
وطلعت مع جان حست بشي غير كانت رايقه حيل
في هالوقت >>>
وصل بندر هنادي وراح يوصل الجازي
في مواقف السيارات سفط جان وسفط بندر بجنبه
نزلت الجازي : بندر لاتنسى وص راشد يجينا فالطلعه
والعصر فضيلي حالك يالحبيب عندي بحث بروح للمكتبه ابي مراجع
بندر : ايه أخلصي الناس وراي تزمر
بنفس الوقت ...
ملاك نزلت من سيارتها وكانت بجنبها سياره جيب دققت فالشخص
ملاك : لا مو معقوله الاهذا هو
وأحتضنت عيونها الناعسه فارس احلامها حست بروحها ردت لها
لاكن يافرحه ماتمت حرك بندر ولاأنتبهلها
لاكن لفتت انتباها اللي نزلت من السياره بشنطتها البيج
بلا شعور راحت تلحقها دخلت الجازي وملاك وراها
وعند درج الجازي
كشفت الجازي برقعها وعبايتها وقعدت تعطر وتضبط روجها
وملاك : تنتظرها تلف
لفت الجازي ألا صديقتها جايت قعدت تسولف معاهم
ملاك : شافت بندر بوجه الجازي درت أنه أخته بعينها الواسعه السودا وبخشمها المسلول وشعرها الاسود الطويل شافت جمال الجازي ولقت أن جمال بندر يفوق جمالها
قربت حيل يمكن تلقط خبر تسمع شغله وتعذرت بعباته قامت تفصخها وتعذرت بنقالها تدقق فيه
عنود : الجازي من جابكم وملاك تسمع درت ان اسمها الجازي لاكن دققت زياده بالسمع تبي تعرف اسم حبيبها المجهول
الجازي : بندر >>> ولايطوفك صرف وضحى عشان نفلها مع ابو نوره
>>>ملاك تنهدت وحست بشعور غير عرفت اسمه وعرفت اخته فوق ذا كله شافته
في هالوقت جات ساره
هاي : ملوك
ملاك : ساره شفته شفت بندر وشفت اخته
ساره : ايش منو بندر ومنو أخته
ملاك : أشرت على الجازي شفتي ذي حفظتي وجهها ساره : هذى
ملاك : أيه
ساره : هذي الجازي
ملاك : تعرفينها
ساره : ايوه اعرفها معرفه وجه يعني بالقاعه بينا سلام
على الخفيف
بس وش قصتها معك ؟؟
ملاك :
تذكرين الشاب اللي عند الصرافه اللي حكيتلك عنه
ساره : ايوه
ملاك : هذا هو شفته اليوم لاكن مانتبه لي يوصل أخته فلحقتها وقفت بجنبها وقامت تسولف عنه وعرفت اسمها وأسم أخوها اللي هو بندر
ساره : طيب شناويه عليه أحس فبالك شي
ملاك : مافبالي شي لكن دريت اني أحبه لأن كلي فزله
في هالوقت ملاك الجازي وين ؟؟
ساره : مادري كانت هنا
وأختفت الجازي
ساره : وش تبغين فيها
ملاك : ابي أشوف بندر بوجهها مشتاقه له
ساره : من جدك تكلمين
ملاك : ايوه من جدي
ساره اقول أحضري محاضراتك أصرفلك وأخذت ملاك ودخلتها غصب فسكشن
الجمعة أكتوبر 29, 2010 7:17 am من طرف hisana
» كذبه الحريم في المجالس وكذبه الررجال ايضا بالمجالس تعالو اضحكوو
الخميس أكتوبر 28, 2010 8:40 am من طرف sa3bolah
» انا عندي مشكله في ماسنجري وانا محتاجته ضروري >>الحل مؤكد
الخميس أكتوبر 28, 2010 8:39 am من طرف sa3bolah
» انتباه من المقاعد..جوادث
الخميس أكتوبر 28, 2010 8:38 am من طرف sa3bolah
» على جميع الاعضاء الدخول
الجمعة أكتوبر 22, 2010 8:03 am من طرف sa3bolah
» ياباني يرسم بطلي فيلم...باليدين في نفس الوقت
الجمعة أكتوبر 15, 2010 7:47 am من طرف sa3bolah
» قصة حدثت في مدرسة ثانوية
الخميس أكتوبر 14, 2010 12:54 am من طرف yamato
» في طـفـولـتـي تـعـلـمـتـ وعـندمـآاآ كبرتـ اكتشـفـتـ
الخميس أكتوبر 14, 2010 12:52 am من طرف yamato
» مذكرات لورا
الخميس أكتوبر 14, 2010 12:49 am من طرف yamato